2010, ഏപ്രിൽ 13, ചൊവ്വാഴ്ച

കൊന്നയും കനിയില്ല

കൊന്നയും കനിയില്ല






                                 

ഈ വിഷുപ്പുലരിയിൽ
                കണികാണുവാൻ കൊന്ന-
പ്പൂവശേഷം പൂത്തു
                തീർന്നുപോയെന്നോ മുന്നെ

പൂത്തുലഞ്ഞടിഞ്ഞല്ലോ
                 പത്തുനാൾ മുന്നേതന്നെ,
കാത്തുനിൽക്കുവാനിപ്പോൾ
                 കൊന്നയും കനിയില്ല!

തമ്പുരാനരുളിയി-
                 ട്ടുണ്ടാവാം: “കണിക്കൊന്നേ,
കമ്പുകൾ മാത്രം പേറി
                 നിർത്തിടും നിന്നേ മർത്ത്യർ

വസന്തം വിളംബരം
                 ചെയ്തു നീ സന്തോഷത്തിൽ
വസിക്കൂ കസവുട-
                 യാടഭൂഷകൾ മാറ്റി

വന്നിടും വേനൽച്ചൂടിൽ
                 വാടിടും പൊയ്ക്കാലത്തിൻ
ദൈന്യത ചൂടും വെറും
                 പേക്കോലമാകൊല്ല നീ”



നീരണിമേഘങ്ങളാൽ
                 നിറയും വിഹായസ്സിൻ
കാരുണ്യം കനിഞ്ഞിനി
                 നിന്റെമേൽ വർഷിച്ചാലും

നീ തളിർത്തുണരുവാൻ,
                 നിൻ മേനി കുളിർപ്പിച്ചു
ശീതള പ്പച്ചപ്പട്ടു
                 സാരിയിലൊരുങ്ങുവാൻ

ആവാതെപോകേണ്ടിനി
                  യെന്നുകണ്ടാവാം, നിന്മേൽ
ആവലാതികൾ മർത്ത്യ-

                രെത്രമേൽ പൊഴിച്ചോട്ടെ!!











ചിത്രം; ഗൂഗിൾ വഴി

12 അഭിപ്രായങ്ങൾ:

  1. ചില്ലക്ഷരങ്ങള്‍ ഉണ്ടാക്കുന്ന പ്രശ്നങ്ങള്‍ ഒഴിച്ചാല്‍ കവിത നല്ല നിലവാരം പുലര്‍ത്തി.ഒപ്പം ഐശ്വര്യ സമൃദ്ധമായ വിഷു ആശംസകള്‍
    നേരുന്നു

    മറുപടിഇല്ലാതാക്കൂ
  2. മുഹമ്മദ്‌ സഗീര്‍ പണ്ടാരത്തില്‍ :
    വളരെ നന്ദി. എല്ലാ നന്മകളും നേരുന്നു. ( രചന ലിപിയാണോ ഉപയോഗിക്കുന്നത്? അതിൽ ചില്ലക്ഷരങ്ങൾ തെളിയില്ല.ഇവിടെ ചില്ലക്ഷരപ്രശ്നം കണ്ടില്ല)

    മറുപടിഇല്ലാതാക്കൂ
  3. Kalavallabhan:

    ഐശ്വര്യപൂരിതമായ ഒരു വിഷുവത്സരത്തിനായി എല്ലാ ആശംസകളും നേരുന്നു.

    മറുപടിഇല്ലാതാക്കൂ
  4. അജ്ഞാതന്‍2010, ഏപ്രിൽ 13 7:48 PM

    നല്ല വരികൾ..... ഇഷ്ട്ടമായി.. ഭാവുകങ്ങൾ വിഷു ആശംസകൾ...

    മറുപടിഇല്ലാതാക്കൂ
  5. junaith

    വിഷുവത്സരത്തിൽ എല്ലാ നന്മകളും ഉണ്ടാവട്ടെ!

    മറുപടിഇല്ലാതാക്കൂ
  6. ഉമ്മുഅമ്മാർ:

    വളരെ നന്ദി. എല്ലാ നന്മകളും നേരുന്നു

    മറുപടിഇല്ലാതാക്കൂ
  7. ബാക്കി വല്ലതുമുണ്ടോ?
    പക്ഷി പോയ് പറവ പോയ്
    പൂവു പോയ് പൂ‍ൂക്കാലം പോയ്
    ബാക്കി വല്ലതുമുണ്ടോ?
    (ബാക്കി വല്ലതുമുണ്ടോ-എന്‍.വി.കൃഷ്ണവാര്യര്‍)
    കാലമിനിയുമുരുളും വിഷു വരും,
    വര്‍ഷം വരും,തിരുവോണം വരും,പിന്നെ-
    യോരോതളിരിനും പൂവരൂം ,കായ്‌വരും-അപ്പൊ-
    ളാരെന്ന്മെന്തെന്നുമാര്‍ക്കറിയാം?
    (സഫലമീയാത്ര- കക്കാട്.)
    ഗൃഹാതുരത്വം നല്ല ഭാവമാ‍ണ്

    നാട്ടില്‍ പാര്‍ക്കാത്ത ഇന്ത്യക്കാരനും
    നാട്ടില്‍ പാര്‍ക്കുന്ന വിദേശിക്കും
    വിഷു വന്നാല്‍ ആശംസകള്‍.

    മറുപടിഇല്ലാതാക്കൂ
  8. എന്‍.ബി.സുരേഷ് :

    വിഷു വസന്താഗമം കൂടിയാണ്. ഒരു നവ വസന്തം വിടരട്ടെ!

    മറുപടിഇല്ലാതാക്കൂ
  9. നല്ല കവിത.

    ആശംസകൾ!

    (പക്ഷേ കവിയും, മറ്റു നിരവധിയാളുകളും പറയുന്ന പോലെ, കൊന്ന മുഴുവൻ പൂത്തു തീർന്നു പോയിട്ടില്ല. ഈ വിഷുത്തലേന്നും വഴിയരികിലുടനീളം പൊന്നണിഞ്ഞു നിൽക്കുന്നുണ്ട്,കൊന്നകൾ. മുൻപേ പൂക്കുന്നു എന്നതല്ലാതെ മുൻപേ കൊഴിഞ്ഞു തീർന്നിട്ടില്ല)

    മറുപടിഇല്ലാതാക്കൂ
  10. jayanEvoor:

    ശരിയാണ്. ചിലയിടങ്ങളിൽ കണ്ട പ്രത്യേകാവസ്ഥയെ കാലച്യുതിയെ ദ്യോതിപ്പിക്കാൻ കവിതയിൽ ഉപയോഗിച്ചുവെന്നു മാത്രം.
    സന്ദർശനത്തിന് വളരെ നന്ദി. വിഷു ആശംസകൾ!

    മറുപടിഇല്ലാതാക്കൂ

Powered By Blogger