മൌനലാസ്യം
ഗോപാൽ കൃഷ്ണ
കനകച്ചിലങ്കകൾ കെട്ടഴിഞ്ഞൂരി
ത്തനിയേകിടക്കുന്ന രംഗമായി
മന്ദ്രമീവേദിയിൽ മാറ്റൊലിക്കൊൾവതോ
മന്ദം,വിലോലമാം മൌനമായി
വശ്യമാം ലാസ്യത്തിൻ വിശ്വം വിടർത്തിയ
ദൃശ്യങ്ങളെല്ലാമദൃശ്യമായി
കമനീയപാദങ്ങളാടിത്തളർന്നൂ
കമനീയപാദങ്ങളാടിത്തളർന്നൂ
കുനുചികിരഭാരം കൊഴിഞ്ഞുവീണു
ചമയങ്ങൾ,വേഷങ്ങളെല്ലാമഴിഞ്ഞു
സമയമോ വേഗം കഴിഞ്ഞുപോയി
ആടിക്കഴിഞ്ഞതാം വേദിയിൽ വീണൊരു
വാടിക്കൊഴിഞ്ഞതാം പുഷ്പമായ് നീ!