ഡോ. ജി.ഉണ്ണികൃഷ്ണ കുറുപ്പ് പ്രസിദ്ധീകരിക്കുന്നത്.
ഭവ്യ സമീരണന്
ഒരു സമീരണന്പോലെ നീയെത്തിയെന്
കരളിനേകും കുളിര്കാല മാധുരി
തരളമാനസന് ഞാനെന്നറിഞ്ഞു നീ
കനിവുതൂകും മൊഴികളാല് മാറ്റണേ,
തനിയെയാക്കാതെ, ഞാന് പെടും പാടുകള്
ഇനിയുമെത്രയൊ ദൂരെയെന് മന്ദിരം
തനിയെപോകുവാനാവില്ലെനിക്കിനി
മൃദുല പാണിയാലെന്കരം നീ പിടി-
ച്ചതുല ശക്തിയോടെന്നെ നയിക്കണേ
വിജനപാതയില് വിശ്വാസമേറ്റി നീ
അജയരൂപമായ് കൂട്ടുനിന്നീടണേ
അതിവിദൂരമല്ലെങ്കിലെന് മന്ദിരം
കതിര്പൊഴിച്ചതു കാണാമെനിക്കിനി
അവിടെ ഞാനെത്തി വിശ്രമിക്കാതെയെന്
നിയതകര്മ്മങ്ങളാചരിച്ചീടുമേ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ