ഡോ. ജി.ഉണ്ണികൃഷ്ണ കുറുപ്പ് പ്രസിദ്ധീകരിക്കുന്നത്.
ചപല ചോദ്യം
അവനിയില്‍ ജന്മം എടുപ്പവരും
അവനിയില്‍ ജന്മം ഒടുങ്ങിയോരും
ഒരുവഴിയാണോ ചരിപ്പതെന്തോ
ഒരുവേളയെങ്കിലും കാണ്മതുണ്ടോ
സരളമനസ്കന്‍ ഞാനെത്രവട്ടം
കരുതിവെച്ചാരാഞ്ഞു നോക്കുവാനായ്
പലവട്ടം ചോദിച്ചു പലരോടുമെന്നാല്‍
പലരുമീയെന്നെ പരിഹസിച്ചു.
ഇവനെന്തുപറ്റിയീ ചപലചോദ്യം
ഇവിടൊക്കെകേട്ടുനടക്കുവാനായ്!
അതിനാലാരായല്‍ ഞാന്‍ നിര്‍ത്തിവെച്ചു
പ്രതിപക്ഷമായിട്ട് വിസ്തരിച്ചു
അതുകേട്ട് മാധ്യമപ്പടയിറങ്ങീ
അതിവേഗം പത്രങ്ങളേറ്റെടുത്തു
അതുതന്നെമുഖ്യമാം വിഷയമായി
അതിനുള്ള ക്രിത്രിമ ബുദ്ധിയെത്തി
അതിലൂടെയെത്രയോ ഉത്തരങ്ങള്‍
അതിചപലമായി പരന്നിടുന്നു.
അതുവേണ്ടെനിക്കെന്‍ മതിപോരുമല്ലൊ
അതില്‍വരും ഉത്തരം വിശ്വസിപ്പൂ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ