ഡോ. ജി.ഉണ്ണികൃഷ്ണ കുറുപ്പ് പ്രസിദ്ധീകരിക്കുന്നത്.
സൌഹൃദ സ്മരണകള്‍
തരളമാമൊരു സായാഹ്ന വേളയില്‍
ഉരവമാകും തളിര്‍കാല സൌഹൃദ
സ്മരണകള്‍ കൊണ്ടുപോയിടും നമ്മളെ
ഒരു മധുരകാലലോകത്തിലേക്കായ്
അവിടെ നമ്മള്‍ തിരഞ്ഞെടുക്കുന്നതാം
വിവിധ കേളികള്‍ ഓര്‍ത്തു ലസിച്ചിടും
അവിടെ നമ്മള്‍ക്കനുഭവം തോന്നിടും
കവിയുമാനന്ദ മാനസ തൃപ്തിയും
ഒരുവിധത്തിലും കാണില്ല നമ്മുടെ
ചിരപരിചിത ഭാവങ്ങളൊന്നുമേ
ഒരു നവീനമാം സംതൃപ്തി തോന്നിടും
കരുതിടും താനെത്രയോ ഭാഗ്യവാന്‍!
അവിടെയല്‍പം മരുതുവാന്‍ തോന്നിടും
ചുവടുവെയ്ക്കുമാ ഗാനത്തിനൊപ്പമായ്
ഒരുസമീരണന്‍ വീശിടും ചുറ്റിലും
കരളിനേകും തളിര്‍കാലബാല്യവും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ